KEDŹBU! Nowy! Firefox za iOS 10.3 je wušoł! Sćehńće jón z
App Store a wužiwajće jón hornjoserbsce!

Webwobhladowak Firefox za iOS hornjoserbsce

Što je Firefox za iOS?

Firefox za iOS je tak mjenowany browser, wobhladowak, za mobilne graty kaž smartfony a tablety, to je program, z kotrymž móžeće sej internetne strony na iPhone, iPad and iPod touch wobhladać. Wón je pendant k Mozilla Firefox za Desktop a Mozilla Firefox za Android. Firefox za iOS je, kaž jeho mjeno hižo zwuraznja, za dźěłowy system iOS wot Apple iOS programowany.

Firefox za iOS móže historiju, rajtarki, hesła a zapołožki z druhimi gratami iOS, z Firefox za desktop a z Firefox za Android synchronizować.

Wersija 1.1 Firefox za iOS, kotraž je 29. nowembra 2015 wušła, běše prěnja wersija tutoho programa, kotraž hornjoserbski (a delnjoserbski) přełožk wobsahuje. Z tym słušatej wobě rěči k prěnim rěčam, w kotrychž so Firefox za iOS wužiwa.

Oficielne websydło za Firefox je https://www.mozilla.org/hsb/firefox/ios/. Na camp-firefox.de namakaće němskorěčny forum: Firefox für iOS (podforum foruma Firefox - Allgemein).